ਆਦਿ ਜਾਂ ਅੰਤ
1.
ਘਰੋਂ ਨਿਕਲੀ ਤਾਂ
ਕਾਫ਼ਲਾ ਸੀ ਇਕ
ਮੇਰੇ ਅੱਗੇ ਤੁਰ ਰਿਹਾ
ਜ਼ਰਾ ਅੱਗੇ ਵਧੀ
ਤਾਂ ਕੁਛ ਕਾਫ਼ਲੇ ਵਾਲੇ
ਦੂਰ ਭੱਜ ਰਹੇ ਸਨ
ਜ਼ਰਾ ਹੋਰ ਅੱਗੇ ਹੋਈ ਤਾਂ
ਉਹ ਮੈਨੂੰ ਪਿੱਛੇ ਖਿੱਚ ਰਹੇ ਸਨ
ਕੁਛ ਮੈਨੂੰ ਧੱਕ ਰਹੇ ਸਨ
ਕੁਛ ਮੇਰੇ ਤੇ ਹੱਸ ਰਹੇ ਸਨ
ਮੈਂ ਦੂਰ ਖੜੀ
ਉਹਨਾਂ ਦੇ ਚਿਹਰੇ ਪਛਾਣ ਰਹੀ ਸਾਂ !
2.
ਕੱਚ ਤਾਂ ਭਾਵੇਂ ਮੈਂ ਨਹੀਂ ਸਾਂ
ਪਰ ਜਦ ਵੀ ਟੁੱਟੀ
ਕਿਰਚ ਕਿਰਚ ਹੋ ਖਿਲਰ ਗਈ
ਖਿਲਰੀਆਂ ਕਿਰਚਾਂ 'ਚੋਂ
ਮੇਰੀ ਹਸਤੀ ਦੇ
ਕਿੰਨੇ ਮਾਇਨੇ ਤਕਸੀਮ ਹੋ ਗਏ
ਕਿੰਨੇ ਮਾਇਨਿਆਂ ਨੇ
ਨਵੇਂ ਮੁਖੌਟੇ ਪਹਿਨ ਲਏ !
ਕਿੰਨੇ ਮੁਖੌਟਿਆਂ 'ਚੋਂ
ਮਾਇਨਿਆਂ ਦੇ ਕੁਛ
ਨਵੇਂ ਸੂਰਜ ਉਦੈ ਹੋ ਗਏ !
ਨਵੇਂ ਪੁਰਾਣੇ ਸੂਰਜਾਂ ਨੂੰ
ਅਰਘ ਦਿੰਦਿਆਂ ਦਿੰਦਿਆਂ
ਖੌਰੇ ਕਿਹੜੀਆਂ ਦਿਸ਼ਾਵਾਂ 'ਚ
ਭੁਲ ਆਈ ਮੈਂ
ਆਪਣੇ ਵਜੂਦ ਦੇ ਮਾਇਨਿਆਂ ਦਾ
ਆਦਿ ਤੇ ਅੰਤ !!
1 comment:
ਡੂੰਘੀ ਸੰਵੇਦਨਾ ਨਾਲ ਲਰਜ਼ਦੀ ਕਵਿਤਾ ....
ਨਵੇਂ ਪੁਰਾਣੇ ਸੂਰਜਾਂ ਨੂੰ
ਅਰਘ ਦਿੰਦਿਆਂ ਦਿੰਦਿਆਂ
ਖੌਰੇ ਕਿਹੜੀਆਂ ਦਿਸ਼ਾਵਾਂ 'ਚ
ਭੁਲ ਆਈ ਮੈਂ
ਆਪਣੇ ਵਜੂਦ ਦੇ ਮਾਇਨਿਆਂ ਦਾ
ਆਦਿ ਤੇ ਅੰਤ !!
Post a Comment