ਤੂੰ ਮਿਲੀਂ ਜ਼ਰੂਰ
ਤੂੰ ਭਾਂਵੇਂ
ਕੜਕਦੀ ਧੁੱਪ ਬਣ ਮਿਲੀਂ
ਜਾਂ ਕੋਸੀ ਦੁਪਹਿਰ ਦਾ ਨਿੱਘ ਬਣ
ਘੋਰ ਹਨੇਰੀ ਰਾਤ ਬਣ ਮਿਲੀਂ
ਜਾਂ ਚਿੱਟੇ ਦੁੱਧ ਚਾਨਣ ਦੀ ਸਬਾਤ ਬਣ
ਮੈਂ ਤੈਨੂੰ ਪਹਿਚਾਣ ਲਵਾਂਗੀ
ਖਿੜਕੀ ਦੇ ਸ਼ੀਸ਼ੇ ਤੇ ਪੈਂਦੀਆਂ
ਕਿਣਮਿਣ ਕਣੀਆਂ ਦੀ ਟਪ ਟਪ ‘ਚੋਂ
ਦਾਵਾਨਲ ਵਿਚ ਬਲਦੇ ਡਿਗਦੇ
ਰੁੱਖਾਂ ਦੀ ਕੜ ਕੜ ‘ਚੋਂ
ਮਲਏ ਪਰਬਤ ਤੋਂ ਆਉਂਦੀਆਂ
ਸੁਹਾਵਣੀਆਂ ਪੌਣਾਂ ਦੀਆਂ
ਸੁਗੰਧੀਆਂ ‘ਚ ਮਿਲੀਂ
ਜਾਂ ਹਿਮਾਲਾ ਪਰਬਤ ਦੀਆਂ
ਕੰਧੀਆਂ ‘ਚ ਮਿਲੀਂ
ਧਰਤੀ ਦੀ ਕੁੱਖ ‘ਚ ਪਏ
ਕਿਸੇ ਬੀਜ ‘ਚ ਮਿਲੀਂ
ਜਾਂ ਕਿਸੇ ਬੱਚੇ ਦੇ ਗਲ ‘ਚ ਲਟਕਦੇ
‘ਤਾਬੀਜ਼’ ‘ਚ ਮਿਲੀਂ
ਲਹਿਲਹਾਉਂਦੀਆਂ ਫਸਲਾਂ ਦੀ ਮਸਤੀ ‘ਚ
ਜਾਂ ਗਰੀਬਾਂ ਦੀ ਬਸਤੀ ‘ਚ ਮਿਲੀਂ
ਪਤਝੜ ਦੇ ਮੌਸਮ ‘ਚ
ਕਿਸੇ ਚਰਵਾਹੇ ਦੀ ਨਜ਼ਰ ‘ਚ ਉਠਦੇ
ਉਬਾਲ ਚ’ ਮਿਲੀਂ
ਜਾਂ ਧਰਤੀ ਤੇ ਡਿਗੇ ਸੁੱਕੇ ਪੱਤਿਆਂ ਦੇ
ਉਛਾਲ ‘ਚ ਮਿਲੀਂ
ਮੈਂ ਤੈਨੂੰ ਪਹਿਚਾਣ ਲਵਾਂਗੀ
ਕਿਸੇ ਭਿਕਸ਼ੂ ਦੀ ਤੋਰ ‘ਚੋਂ
ਕਿਸੇ ਨਰਤਕੀ ਦੇ ਨਿਰਤ ਦੀ ਲੋਰ ‘ਚੋਂ
ਕਿਸੇ ਵੀਣਾ ਦੇ ਸੰਗੀਤ ‘ਚੋਂ
ਕਿਸੇ ਹਜੂਮ ਦੇ ਸ਼ੋਰ ‘ਚੋਂ !
ਤੂੰ ਮਿਲੀਂ ਭਾਵੇਂ
ਕਿਸੇ ਅਭਿਲਾਸ਼ੀ ਦੀ ਅੱਖ ਦਾ ਅੱਥਰੂ ਬਣ
ਕਿਸੇ ਸਾਧਕ ਦੇ ਧਿਆਨ ਦਾ ਚਖਸ਼ੂ ਬਣ
ਕਿਸੇ ਮਠ ਦੇ ਗੁੰਬਦ ਦੀ ਗੂੰਜ ਬਣ
ਜਾਂ ਰਾਸਤਾ ਲੱਭਦੀ ਕੂੰਜ ਬਣ
ਤੂੰ ਮਿਲੀਂ ਜਰੂਰ
ਮੈਂ ਤੈਨੂੰ ਪਹਿਚਾਣ ਲਵਾਂਗੀ !
See Hindi translation on http://setusahitya.blogspot.com
10 comments:
ਤੂੰ ਭਾਂਵੇਂ
ਕੜਕਦੀ ਧੁੱਪ ਬਣ ਮਿਲੀਂ
ਜਾਂ ਕੋਸੀ ਦੁਪਹਿਰ ਦਾ ਨਿੱਘ ਬਣ
ਘੋਰ ਹਨੇਰੀ ਰਾਤ ਬਣ ਮਿਲੀਂ
ਜਾਂ ਚਿੱਟੇ ਦੁੱਧ ਚਾਨਣ ਦੀ ਸਬਾਤ ਬਣ
ਤੇਰਾ ਮਿਲਣਾ ਇਕ ਹਨੇਰੀ ਰਾਤ ਦੀ ਹਥੇਲੀ ਉੱਤੇ ਰਖਿਆ ਕੋਈ ਗੁਲਾਬ .....!!
ਗੁਲਾਬ ਵਾਂਗ ਮਹ੍ਕਦੀ ਨਜ਼ਮ .....
(ਸ਼ਿਰ੍ਸ਼ਕ ਵਿਚ ' ਮੈਂ' ਦੀ ਜਗਾਹ 'ਤੂੰ' ਕਰ ਲਓ ....)
ਜੀ ਤੁਹਾਨੂੰ ਜੋ ਪਸੰਦ ਹੈ ਨਜ਼ਮ ਪੋਸਟ ਕਰ ਸਕਦੇ ਹੋ ......
ਜਿਥੇ ਮਰਜ਼ੀ ਮਿਲੀੰ
ਪਰ ਮਿਲੀੰ ਇੱਕ ਹਿੰਮਤ ਲੈ ਕੇ
ਨਜ਼ਰਾਂ 'ਚ ਡਰ ਲੈ ਕੇ ਨਹੀਂ
ਡਰ ਨਾਲ ਜੀਨ ਦੀ ਇਛਾ ਮਰਦੀ ਹੈ
ਤੇ ਰੀਝਾਂ ਦਾ ਅਕਸ ਧੁੰਦਲਾ ਜਾਂਦਾ ਏ
a very heart-touching poem Surjit, I am speechless!
गुरुमुखी और पंजाबी का अभ्यास नहीं है, फिर भी यहां आकर मिट्टी का सोंधापन, भावों की ताजगी और जीवन का सरल-संयत उमंग महसूस कर पाता हूं.
ਤੁਹਾਡਾ ਬਲੌਗ ਜੁਆਇਨ ਕਰ ਲਿਆ ਹੈ।ਤੁਹਾਡੀਆਂ ਕਵਿਤਾਵਾਂ ਚੰਗੀਆਂ ਲੱਗੀਆਂ,ਸੁਰਜੀਤ ਜੀ !!
अभिवादन सहित धन्यवाद सुरजीत जी,
आपकी नई पोस्ट देखा. अपनी जमीन से बहुत गहरे जुड़ कर ही ऐसी कविता बनती है, जितना भाषाई सीमा के कारण मैं समझ पाता हूं, उसके आधार पर कह सकता हूं कि ऐसा लेखन हिन्दी में कम देखने को मिलता है, यह आंचलिक भाषाओं और भावों का सौंदर्य है कि वह सहज अभिव्यक्त हो कर छू लेती है.Rahul Singh
Surjit,
You write very deep poetry with lot of innovations of human centiments. God bless you.
Balbir Momi
ਕੜਕਦੀ ਧੁੱਪ ਬਣ ਮਿਲੀਂ
ਜਾਂ ਕੋਸੀ ਦੁਪਹਿਰ ਦਾ ਨਿੱਘ ਬਣ
ਘੋਰ ਹਨੇਰੀ ਰਾਤ ਬਣ ਮਿਲੀਂ
ਜਾਂ ਚਿੱਟੇ ਦੁੱਧ ਚਾਨਣ ਦੀ ਸਬਾਤ ਬਣ
Good Poetry
Bahut vadhiya ....
Tuhadi kalam nu salam !
सुरजीत जी, पहलीबार आपके ब्लॉग पर आया हूँ। बहुत ही खूबसूरत और दिल को स्पर्श कर लेने वाली कविता लगी। अन्य कविताएं भी पढ़ूंगा और अपने ब्लॉग 'सेतु साहित्य' और 'गवाक्ष" के आगामी किसी अंक के लिए हिन्दी में अनुवाद करके भी छापूंगा।
Post a Comment