ਸ਼ਹਿਰ ਤੇਰੇ ਤੋਂ ਮੈਨੂੰ ਕਿਹੀ ਸਦਾ ਆਈ ਐ,
ਬਿਨ ਬੁਲਾਏ ਜਿਵੇਂ ਕੋਈ ਬਲਾ ਆਈ ਐ
ਤੇਰੇ ਬਿਨ ਤੇਰੇ ਸ਼ਹਿਰ ਦਸ ਮੈਂ ਕੀ ਕਰਨੈ
ਲਗਦੈ ਮੇਰੇ ਲਈ ਇਹ ਕੋਈ ਸਜ਼ਾ ਆਈ ਹੈ
ਇਹਨਾਂ ਖਾਰੇ ਸਾਗਰਾਂ ਦਾ ਮੈਂ ਕੀ ਕਰਾਂਗੀ
ਰੋਂਦੇ ਪਰਿੰਦਿਆਂ ਨੂੰ ਭਲਾ ਕਿੰਝ ਜਰਾਂਗੀ
ਰੁੱਤ ਵੀਰਾਨ 'ਚੋਂ ਤੇਰੇ ਸੁਖਨ ਕਿੰਝ ਫੜਾਂਗੀ
ਤੇਰੇ ਸ਼ਹਿਰੋਂ ਕਿਹੀ ਰੋਗੀ ਹਵਾ ਆਈ ਹੈ
ਸ਼ਹਿਰ ਤੇਰੇ ਦੇ ਰੁੱਖ ਖਾਮੋਸ਼ ਖੜੇ ਹੋਣਗੇ
ਪੱਤ ਪੀਲੇ ਤੇ ਫੁੱਲ ਜ਼ਾਰ ਜ਼ਾਰ ਰੋਂਣਗੇ
ਵਾਟਾਂ 'ਚ ਹੁਣ ਕੌਣ ਗੀਤ ਗਾਉਂਦਾ ਹੋਣੈ
ਜੰਗਲ ‘ਚੋਂ ਕਿਹੀ ਸੋਗੀ ਹਵਾ ਆਈ ਹੈ
ਤੇਰੇ ਬਿਨ ਤੇਰੇ ਸ਼ਹਿਰ ਦਸ ਮੈਂ ਕੀ ਕਰਨੈ
ਲਗਦੈ ਮੇਰੇ ਲਈ ਇਹ ਕੋਈ ਸਜ਼ਾ ਆਈ ਹੈ
No comments:
Post a Comment