ਆਜ਼ਾਦੀ
ਤੇ ਇਕ ਦਿਨ
ਪਿੰਜਰਾ ਖੁਲ੍ਹ ਗਿਆ
ਪੰਛੀ ਉਡ ਗਿਆ
ਏਡੀ ਖੁਸ਼ੀ !
ਉਸਨੂੰ ਸਮਝ ਨਾ ਆਵੇ
ਹੁਣ ਉਹ ਕੀ ਕਰੇ
ਧਰਤੀ ਤੇ ਲੇਟੇ
ਚੁੰਝ ਖੋਲੇ
ਉੱਚੀ ਉੱਚੀ ਬੋਲੇ !
ਉਪਰ ਤੱਕਿਆ
ਅਨੰਤ ਆਕਾਸ਼... !
ਆਹਾ !
ਉਡਣਾ ਚੇਤੇ ਆਇਆ !
ਪੰਛੀ ਨੇ ਹਵਾ ਵਿਚ
ਗੋਤਾ ਲਾਇਆ
ਬੱਦਲਾਂ ਤੋਂ ਪਾਰ
ਉਸਨੇ ਉਡਣਾ ਚਾਹਿਆ
ਪਰ ਆਪਣੇ ਖੰਭਾਂ ਦਾ ਭਾਰ
ਉਸਤੋਂ ਚੁੱਕ ਨਾ ਹੋਇਆ
ਆਪਣੇ ਘਰ ਦੀ ਛੱਤ ਤੋਂ ਉਤਾਂਹ
ਉਸਤੋਂ ਉਡ ਨਾ ਹੋਇਆ !!!
2 comments:
zindagi kadon khamb kattdi hai,kisi de;bas apne hi bhaar kaafi ho jaande ne hambhaan layi;khoobsoorat khayaal,te aap da khaas asloob! zor-e-qalam aur ziaadaa!!
ਬਹੁਤ ਵਧੀਆ ਲੱਗੀ ਇਹ ਕਵਿਤਾ।ਵਧੀਆ ਸੋਚ!
ਅਜ਼ਾਦੀ ਮਿਲੇ ਤਾਂ ਕੋਈ ਕੀ ਕਰੇ ਇਹ ਵੀ ਤਾਂ ਡੂੰਘੀ ਗੱਲ ਹੈ।
ਹਰਦੀਪ by email
Post a Comment